Para pak minutash, në fshatin Qukës, ka ndodhur një aksident, ku kanë mbetur të plagosur edhe 4 futbollistë.

Makina me të cilën po udhëtonin katër futbollistët e Sopotit të Librazhdit, Ermir Lojku, Klajdi Hoxha, Funel Kushta dhe Orgest Tocka është përplasur dhe shkak i aksidentit dyshohet të ketë qenë lagështia në rrugë.

Të katër lojtarët janë lënduar lehtë, ndërsa “Panorama Sport” mëson se ata po ktheheshin nga stërvitja e sotme me Sopotin. Policia gjendet në vendngjarje për të zbardhur shkaqet e aksidentit. /Sinjali/