Mesfushori fantastik argjentinas Enzo Fernandez është afër transferimit te Chelsea, që do të jetë transferimi më i madh në historinë e Premier League.
Fernandez, i cili shkëlqeu në Kupën e Botës në Katar dhe u bë lojtari më i mirë i ri i turneut, teksa tërhoqi vëmendjen e klubeve më të pasura dhe më të mëdha evropiane dhe do të vazhdojë karrierën e tij te Chelsea.
Sipas gazetarëve më të respektuar anglezë, Enzo Fernandez ka bërë marrëveshje me Chelsean, ka rënë dakord për pagën dhe të gjitha detajet e kontratës dhe dëshiron shumë të kalojë në Stamford Bridge.
Klubi londinez i dërgoi Benfikës një ofertë prej 135 milionë eurosh, që do të jetë transferimi më i madh në historinë e futbollit anglez.
Gjatë kësaj kohe Fabrizio Romano raporton se negociatat e fundit mes dy skuadrave do të zhvillohen sot. Fernandez u kthye në stërvitje pasi fitoi Botërorin, por i tha klubit se donte të transferohej te Chelsea.
Dita e nesërme do të jetë vendimtare për zbardhjen e situatës dhe duket se nuk ka asnjë pengesë për një transferim historik.
