I ashtuquajturi drejtor i zyrës së ashtuquajtur për Kosovë në qeverinë e Serbisë, Petar Petkoviq ka pyetur publikisht se pse është dashur që Policia e Kosovës ta kryejë hetimin vetë, pa praninë e hetuesve të EULEX-it.
Ai nëpërmjet një statusi në Twitter gjithashtu është shprehur se çfarë ishte ajo që duhej të fshihej në hetim.
“Pse policia e Kosovës nuk e lejoi EULEX-in të merrte pjesë në operacionin hetimor në qytetin e Banjskës? Pse ishte e nevojshme që policia e Kosovës ta bënte vetë hetimin, pa praninë e hetuesve të EULEX-it? Çfarë ishte ajo që duhej të fshihej në hetim?”, pyeti Petkoviq.
