Drejtori i të ashtuquajturës “Zyre për Kosovën” në Qeverinë e Serbisë, Petar Petkoviq, i ka reaguar ambasadorit amerikan në Kosovë, Jeffrey Hovenier, i cili tha se Kosova është shtet demokratik, me kufijtë ekzistues.
Petkoviq mbrojti Listën Serbe – në gjykimin e tij – si përfaqësuese e popullit serb në Kosovë, duke theksuar se qëllimi i saj parësor është mbrojtja e interesave kombëtare të komunitetit serb që jeton në rajon.
“Ne e dimë mirë ambasador ku janë kufijtë në Kosovë, ata janë kufijtë e Serbisë në përputhje me Kartën e OKB-së dhe Rezolutën 1244 të OKB-së. Dhe Lista Serbe është zgjedhja dhe zëri i popullit serb që mbron interesat kombëtare të popullit të vet në Kosovë, e jo të ambasadave të huaja”, ka shkruar ai në Twitter.
We know well @USAmbKosovo where borders in K&M are, those are borders of Serbia in accordance with the UN Charter and UN Resolution 1244. And the Serbian List is the choice and voice of Serbian people defending national interests of its people in K&M, not of foreign embassies. https://t.co/8cFCtzcVp6
— Петар Петковић (@PetkovicPetar) August 1, 2023