Pesë persona kanë humbur jetën si pasojë e të shtënave me armë zjarri në qytetin Stade, në landin e Saksonisë së Ulët, kanë konfirmuar autoritetet gjermane.
Ngjarja ka shkaktuar reagim të madh të forcave të rendit dhe shërbimeve të emergjencës.
Sipas policisë, të shtënat kanë ndodhur në zonën e Dankersstraße, ndërsa një operacion i gjerë është ende në zhvillim për sigurimin e zonës dhe mbledhjen e provave. Autoritetet kanë bërë të ditur se një i dyshuar është arrestuar në lidhje me rastin.
Mediat gjermane raportojnë se ngjarja ka ndodhur në ambientet e një qendre për shërbime sociale, por motivet e sulmit mbeten ende të panjohura.
Policia u ka bërë thirrje qytetarëve të shmangin zonën e ngjarjes, ndërsa hetimet po vazhdojnë për të sqaruar rrethanat e plota të incidentit.
Sinjali – aty ku e vërteta flet para lajmit!