Gazeta Sinjali raportoi më 17 qershor për një përleshje mes disa personave që kishte ndodhur në Prizren.
Kjo përleshje siç njoftoi Gazeta Sinjali eskaloi edhe në përdorimin e thikës e ku për pasojë, një person mbeti i lënduar.
Gazeta Sinjali mëson se një nga të dyshuarit për këtë rast është Egzon Reshani, i cili rreth një orë më parë është dorëzuar në Polici.
Ai, siç njoftojnë burimet e Gazetës Sinjali është duke u intervistuar nga hetuesit policorë.
Për këtë çështje Gazeta Sinjali e ka kontaktuar edhe avokaten e Reshanit, Drenusha Berishën, por e njëjta nuk ka qenë e qasshme.
Gazeta Sinjali kishte publikuar edhe pamjet ekskluzive nga rrahja mes disa personave, që siç merret vesh kishte ndodhur pas një mosmarrëveshje në trafik, mes viktimës dhe të dyshuarve.
I riu që u godit me mjet të mprehtë ka marrë trajtim mjekësor dhe më pas ka dhënë deklaratën e tij para Policisë.
Burimet e Gazetës Sinjali thonë se viktima ka deklaruar se nuk i njeh të dyshuarit dhe s’ka pasur asnjë problem me ta.
Kush është Egzon Reshani, i dyshuari që është dorëzuar në Polici?
Gazeta Sinjali pati raportuar në vitin 2022 për një mori veprash penale që kishte 31 vjeçari nga Prizreni.
I njëjti ishte dënuar 16 herë për 12 vjet.
Profili i plotë me të gjitha dënimet e Egzon Reshanit:
Lexo edhe:
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.