Një ndërtesë është përfshirë nga zjarri para një ore në rrugën “Ilaz Kodra” në Prishtinë, shkruan Gazeta Sinjali.
Lajmin për Sinjalin e ka konfirmuar Policia e Kosovës, me ç’rast ka njoftuar se nuk ka persona të lënduar nga ky incident.
“Rreth orës 16:30 e kemi pranuar informatën për një incident zjarri në një ndërtesë në rrugën “Ilaz Kodra” në Prishtinë. Nuk raportohet për persona të lënduar.”, thuhet në përgjigjen e policisë për Gazetën Sinjali.
Tutje Policia njofton se njësitet e zjarrfikësve kanë dalë menjëherë në vendin e ngjarjes për ta lokalizuar zjarrin.
“Zjarrfikësit dhe policia menjëherë kanë dalë në vendin e ngjarjes. Zjarri është lokalizuar, me rastin po merren njësitet kompetente.”, thuhet tutje në këtë përgjigje.