Presidenti i Serbisë, Aleksandar Vuçiq ka thënë se Beogradi është në favor të një kompromisi me Prishtinën. Ai ka theksuar se Serbia po mundëson paqen në Ballkan.
Këto deklarata, Vuçiq i ka dhënë pas takimit me kancelarin e Gjermanisë, Olaf Scholz, në Berlin raporton Tanjug.
“Do ta bëjmë më të mirë për të lëvizur drejt një zgjidhjeje me kompromis, do të përpiqemi që të gjejmë një marrëveshje kompromisi, por siç kemi të qartë, kjo nuk varet vetëm nga dëshirat tona, por edhe të palës tjetër”, ka deklaruar ai.
Duke folur rreth dialogut Beograd-Prishtinë, Vuçiq ka shprehur besimin e tij se do të gjendet kurajo për të bërë progres në këtë proces. Ai ka thënë se për Serbinë ky nuk është një proces i lehtë.
