Pas triumfit në “Ferma VIP”, Mimoza Ahmeti ka ndarë një reagim plot emocione në rrjetet sociale, duke shprehur gëzimin dhe falënderimin e saj për publikun që e ka përkrahur përgjatë gjithë rrugëtimit në spektakël.
“Uaaaaa moj mami e fitovaaaa”, ka shkruar ajo e përfshirë nga entuziazmi, duke shtuar edhe një detaj nga paraqitja e saj në natën finale.
Në mesazhin e saj, Ahmeti thekson se i duhen disa ditë për t’i falënderuar të gjithë ata që e bënë këtë eksperiencë të paharrueshme, ndërsa falënderimin e parë ia dedikon publikut:
“Ju jeni të parët, publiku fantastik, që më deshët e kuptuat. Ju du, ju du, ju du”.
Mimoza Ahmeti, e njohur si një nga figurat më të spikatura të kulturës shqiptare, ka marrë vëmendje të madhe në rrjetet sociale dhe mediat rozë pas fitores së saj në reality show-n “Ferma VIP”.
Sinjali – aty ku e vërteta flet para lajmit!