Pas aksidentit në të cilin mori lëndime trupore, blogerja e njohur kosovare, Tea Belegu, ka falënderuar shoqërinë për kujdesin ndaj saj.

Aksidenti në të cilin është përfshirë edhe vajza e këshilltarit të Ramush Haradinajt, Erolld Belegut, Tea, ka ndodhur mbrëmë rreth orës 19:30, konkretisht në aksin rrugor Milot-Rrëshen në Rrugën e Kombit.

Sinjali ka raportuar ekskluzivisht për gjendjen shëndetësore të Teas, më pas ajo ka shpërndarë lajmin ku falëndëron shoqërinë për kujdesin dhe shprehet e gëzuar që i ka mbijetuar aksidentit.

Nga hetimet e para të policisë shqiptare, Belegu, ka theksuar se vetura që dyshohet se ka shkaktuar aksidentin ishte me targa të Zvicrës e cila ka tejkaluar në vijë të plotë.

Gazeta Sinjali i uron shërim të shpejtë Tea Belegut.