Fundjava në Kosovë do të jetë kryesisht me diell. Në fillim të javës së ardhshme do të ketë mundësi për riga lokale shiu, ndërsa temperaturat do rriten lehtësisht.

Shtrirja e fushave të presionit të lartë mbi rajonin tonë në fundjavë favorizon mot të qëndrueshëm, kryesisht me diell, herë-herë me vranësira kalimtare. Temperaturat pësojnë një rënie të lehtë, por mbesin pak mbi vlera mesatare, njofton Prishtina Weather.

Mot me vranësira dhe diell parashihet të mbajë në ditët e para të javës së ardhshme, e orëve të pasdites përreth viseve malore paraqiten mundësi për reshje të dobëta lokale shiu, derisa temperaturat shënojnë një rritje të lehtë.

Parashikimi për periudhën 19-23 shtator:

19.09 – Paradite pjesërisht vranët, e gjatë ditës kryesisht me diell.
20.09 – Kryesisht me diell.
21.09 – Pas mëngjesit të freskët, ditën kryesisht me diell dhe ngrohtë. Pasdite përreth viseve malore mundësi për riga lokale shiu.
22.09 – Ngrohtë, vranësira dhe intervale me diell. Rreth viseve malore orëve të pasdites mundësi për reshje lokale shiu.
23.09 – Vranësira dhe intervale me diell. Mundësi për riga lokale shiu.

Temperaturat minimale do të luhaten nga 9C deri në 12C, ndërsa maksimalet nga 24 deri 28C. Era do të fryjë kryesisht nga verilindja, e lehtë dhe mesatare 3-8m/s. Shtypja atmosferike në rritje mbi vlera normale, e më pas gradualisht në rënie. /Gazeta Sinjali/