image Parashikimi i motit për ditët në vazhdim, pritet të ketë rrebeshe shiu e bubullima - Sinjali

COVID-19

Të infektuar

15208

Të shëruar

12815

Të vdekur

615

Parashikimi i motit për ditët në vazhdim, pritet të ketë rrebeshe shiu e bubullima

news image

Në Kosovë pritet të ketë mot të ndryshueshëm deri në fundjavë, kohë pas kohe rrebeshe shiu me bubullima.

Fushat e presionit të ulët të ardhura nga Atlantiku, mbesin të bllokuara mbi rajon gjatë ditëve të ardhshme. Nën këto kushte do të mbajë mot jostabil dhe i ndryshueshëm, me vranësira dhe diell, ditën e enjte kohë pas kohe priten zhvillime të rrebesheve të shiut me bubullima, ndërsa nga dita e premte dhe në fundjavë, rrebeshet e shiut pritet të zhvillohen kryesisht orëve të pasdites dhe mbrëmjes, bën të ditur Prishtina Weather.

Sipas PW, indeksi i rrezeve UV ditën e enjte mbetet në vlera mesatare, e ditën e premte në vlera të larta.

Parashikimi për periudhën 6-10 gusht:

6.08 – Freskët, kryesisht me vranësira dhe intervale me diell gjatë ditës. Nga mëngjesi priten mundësi për rrebeshe shiu, që gjatë ditës do të shoqërohen edhe me bubullima.

7.08 – Vranësira dhe diell. Pasdite dhe në mbrëmje priten rrebeshe shiu me bubullima.

8.08 – Kryesisht me vranësira dhe intervale me diell. Pasdite dhe në mbrëmje rrebeshe shiu me bubullima.

9.08 – Vranësira dhe intervale me diell. Pasdite mundësi për rrebeshe shiu dhe bubullima.

10.08 – Paradite intervale më të gjata me diell. Pasdite pjesërisht vranët me mundësi për reshje lokale shiu me bubullima.

Temperaturat minimale do të luhaten nga 14C deri në 16C, ndërsa maksimalet gradualisht do të rriten nga 22C-23C, të enjten, deri në 27C-28C në fundjavë.

Era do të fryjë e lehtë dhe mesatare nga verilindja 3-10m/s.

Shtypja atmosferike do të luhatet në vlera normale.


Shpërndaje artikullin