Reshjet e shiut do të vazhdojnë edhe gjatë ditëve vijuese, shkruan Gazeta Sinjali.

Instituti Hidrometeorologjik i Kosovës njofton se vranësirat do të vazhdojnë të mbesin kështu të dendura, duke mundësuar të kemi reshje shiu edhe për ditët vijuese. 

Të martën do të ketë ndërprerje të reshjeve dhe parashihen edhe intervale të shkurta me diell, por sërish nga dita e enjte parashihen reshje, por jo të këtij intensiteti. 

“Në vise malore me lartësi mbi 850 m mbi nivel të detit, temperaturat janë më të ulëta dhe ekzistojnë kushtet që pos shiut të bien edhe fjolla të lehta bore. Për shkak të prezencës së masave ajrore nga drejtimi i veriut dhe verilindjes temperaturat mbeten të ulëta, nën vlerat e mesatareve për muajin që jemi.”

“Minimalet do të lëvizin ndërmjet 6-7 gradë Celsius, ndërsa maksimalet e ditës parashihen  të lëvizin ndërmjet 11-13 gradë Celsius”, thuhet në njoftimin e IHMK-së. 

Do të fryjë erë kryesisht nga verilindja mesatare dhe lokalist e fortë./GazetaSinjali/