Sot rreth orës 05:30 në Vërmicë Policia e Kosovës ka parandaluar një rast të kontrabandës me emigrant, raporton Gazeta Sinjali.
Policia ka ndaluar një automjet, (auto-ambulancë) me targa vendore dhe gjatë kontrollimit janë hasur gjashtë emigrantë ilegal (tre shtetas Sirian dhe tre shtetas nga Bangladeshi).
I dyshuari mashkull, shtetas kosovar, i moshës 45 vjeçare është ndaluar dhe për këtë rast është njoftuar prokurori kujdestar i Prokurorisë Themelore në Prizren.
Rasti do të trajtohet nga njësitet relevante policore dhe emigrantët do të trajtohen në bazë të procedurave.