Palestrat kosovare nuk po arrijnë që të gjejnë qetësi duke pamundësuar që ndeshjet e zhvilluara të basketbollit të luhen normalisht dhe pa ndonjë incident gjatë apo në fund të ndeshjes.
E një i tillë ndodhi edhe sot pas ndeshjes së dytë gjysmëfinale mes KB Prishtinës dhe KB Trepçës në “Pallatin e Rinisë dhe Sporteve” në kryeqytet.
Trepça arriti që triumfojë edhe në ndeshjen e dytë, duke fituar me rezultat të ngushtë 86-85.
Megjithatë, pas përfundimit të ndeshjes, tifozëria vendase e njohur si “Plisat” u përplasën me Policinë, duke shkaktuar kështu tollovi pas ndeshjes.
