Deputeti i Aleancës për Ardhmërinë e Kosovës, Pal Lekaj, në fjalën e tij në seancën e sotme ka thënë se “më duket se kemi devijuar nga debati për çka është thirrur kjo seancë”.
Por, ishte kryetari i kuvendit, Glauk Konjufca, i cili shkaktoi të qeshura në sallë duke i thënë Lekajt “paj, veç mos me iu lënë vet hiç për besë”.
Lekaj nuk ia vuri veshin sarkazmës së Konjufcës, duke vazhduar fjalën e tij ku tha se qytetarët tash paguajnë më shtrenjtë vajin, sheqerin e bukën.
Ai tutje tha se pushteti po shet siç i quajti ai, pallavra, të cilat sipas tij, s’i pranojnë qytetarët.
