Zyra e OKB-së për të drejtat e njeriut ka deklaruar se 227 civilë u vranë në pesë ditët e para të pushtimit rus të Ukrainës.
Zyrtarët thonë se 525 civilë të tjerë janë plagosur në të gjithë Ukrainën gjatë konfliktit, shkruan BBC, transmeton Gazeta Sinjali.
“Shumica e këtyre viktimave ishin nga përdorimi i armëve shpërthyese me një zonë të gjerë ndikimi, duke përfshirë granatimet nga artileria e rëndë dhe sistemet e raketave me shumë lëshime, si dhe sulmet ajrore” thuhet në deklaratë.
Organizata tha se beson që numri i vërtetë i vdekjeve është “dukshëm më i lartë”, veçanërisht në territorin e kontrolluar nga qeveria, për shkak të vonesave të raportimit.
