Kryetari i Komisionit për Persona të Zhdukur në Serbi, Veljko Odaloviq, thotë se “fushata parazgjedhore e kryeministrit të Kosovës, Albin Kurti, ishte bazuar në faktin se ai nuk do të pranonte asgjë në lidhje me Marrëveshjen e Brukselit”.
Ai tha për TV Pink, se Kurti ishte më i zëshmi në mospranimin e Asociacionit, por se sipas tij “nuk e priste që bashkësia ndërkombëtare të reagonte kur është fjala për dokumentin e nënshkruar”.
“Për t’ju kujtuar, dokumenti nuk është hartuar nga Hashim Thaçi, Avdullah Hoti, Ramush Haradinaj apo Albin Kurti. Ajo që është e rëndësishme është se dokumenti i ri e bën të qartë se të gjitha obligimet duhet të përmbushen”, tha Odaloviq.
“Prishtina nuk do të mund të bëjë më shumë, ne i shohim kërkesat e zyrtarëve dhe nuk ka asnjë kompris kur është fjala Asociacionin. Prishtina do të vazhdojë të refuzojë, por nuk mund ta bëjë më”, shtoi ai.
