Kompania teknologjike Nvidia ka prezantuar një çip të ri për kompjuterët personalë, duke zgjeruar praninë e saj në tregun e pajisjeve të konsumit të bazuara në inteligjencën artificiale.
Njoftimi u bë nga shefi ekzekutiv Jensen Huang gjatë një prezantimi në panairin teknologjik Computex në Taipei të Tajvanit.
Çipi i ri, i quajtur RTX Spark, përshkruhet si një “superçip” i gjeneratës së re të inteligjencës artificiale, i cili synon ta shndërrojë kompjuterin personal në një “bashkëpunëtor digjital”.
Sipas kompanisë, pajisjet e reja do të integrohen në kompjuterë me Windows nga prodhues si Lenovo, HP, Dell, Microsoft Surface, Asus dhe MSI.
Modelet e para pritet të dalin në treg gjatë vjeshtës, ndërsa lansimi do të pasohet edhe nga kompani të tjera teknologjike.
Ndërkohë, paralelisht me njoftimin, Shtetet e Bashkuara kanë shtrënguar rregullat për eksportin e çipave të avancuar drejt kompanive kineze, duke rritur tensionet në sektorin global të teknologjisë.
Sinjali – aty ku e vërteta flet para lajmit!