Një vajzë ka rënë në lumin Bistrica në Pejë, sot rreth orës 11:00 e cila më pas është nxjerrë nga qytetarët dhe është dërguar në spital për trajtim, raporton Gazeta Sinjali.
Rastin e ka konfirmuar edhe zëdhënësi i Policisë për rajonin e Pejës, Driton Rugova, i cili ka thënë se vajza është jashtë rrezikut për jetë.
“Rreth orës 11:00 Policia është njoftuar se tek ish-tregu i gjelbërt një vajzë ka rënë në lum. Personi në fjalë është nxjerrë nga qytetarët dhe është dërguar në Spitalin e Pejës, por është jashtë rrezikut për jetën. Njësitet policore po merren me rastin dhe ndodhin në vendin e ngjarjes, në spital për të kuptuar se si ka ardhur deri te kjo”, tha ai.