Një rast i pazakontë është raportuar sot në orën 06:30 në stacionin policor në Zubin Potok.
Burimet e Gazetës Sinjali bëjnë të ditur se një person ende i paidentifikuar nga Policia, ka vendosur në rruga disa copa të armaturës me skaje të mprehta, me qëllim që t’i dëmtojë gomat e automjeteve që kalonin në rrugën kryesore Mitrovicë-Ribaricë.
Sinjali mëson se Policia nga vendi ngjarjes ka grumbulluar gjithsej 46 copa të tilla metalike.
Me urdhër të prokurorit, është hapur rast ‘Shkaktim i rrezikut të përgjithshëm’ dhe hetimet vazhdojnë.