Dje në oborrin e QKUK-së është gjetur i shtrirë një burrë pa shenja jete, shkruan Gazeta Sinjali.

Siç mëson Sinjali nga burimet brenda Policisë, viktima është gjetur i vdekur rreth orës 13:00, ndërsa vdekjen e tij e ka konstatuar mjeku kujdestar.

Sipas mjekut, shkaktar i vdekjes është arresti kardiak që ka pasur viktima.

Trupi i pajetë është dërguar për obduksion, kurse rasti në Polici është hapur si “hetim mbi vdekjen”. /GazetaSinjali/