Një burrë dhe një grua nga Kosova kanë lidhur një burrë tjetër, të afërm të tyre për një karrige dhe e ka mbajtur ashtu për rreth një orë. Gjatë kësaj kohe ata i kanë shkaktuar atij lëndime dhe e kanë kërcënuar.-

Qëllimi i tyre ishte që ai të pranonte se e ka përdhunuar gruan. Në fund ai u detyrua të pranojë përdhunimin që nuk ka ndodhur kurrë.

A.E., 43-vjeçar dhe gruaja e tij S.E., 42-vjeçare duhet të përgjigjen para Gjykatës së Qarkut Wil të enjten, shkruan 20minuten. Ata akuzohen se së bashku kanë rrëmbyer, plagosur dhe shtrënguar ish të dashurin e  gruas.

Në përpjekje për ta shtyrë të pranojë, burri ka detyruar personin në fjalë të bëjë marrëdhënie orale me të, duke e poshtëruar rëndë. Ata e kanë filmuar gjithë rrjedhën. Akuza thotë se ata ishin të vetëdijshëm për veprimet e tyre. Viktima ka pësuar hematoma të shumta në trup dhe ënjtje në zonën e kafkës.

Përveç kësaj, burrin e lidhur e kanë kërcënuar me pincë dhe me thikë. Ai është mbajtur kështu për rreth 90 minuta. Në fund, viktima është detyruar ta konfirmojë përdhunimin, megjithëse ai nuk ka ndodhur kurrë.

Për burrin, prokurori publik kërkon dënim me burg dhe gjobë. Përveç kësaj, kosovari, sipas prokurorisë duhet të dëbohet nga Zvicra për shtatë vjet. Ndërsa për gruan, akuza parashikon një dënim me burg me kusht, përcjell albinfo.ch. Për më tepër, gruaja me prejardhje nga Maqedonia duhet të dëbohet nga vendi për pesë vjet.

Pesha e akuzës për burrin është më e rëndë se sa ajo për gruan, për faktin se burri kishte përdorur dhunë edhe ndaj gruas së tij, përpara veprimeve kundër mikut. Sipas aktakuzës, ai e ka goditur atë disa herë me grushta, veç tjerash edhe në fytyrë. Qëllimi, në këtë rast kishte qenë që gruaja të “pranonte se ajo nuk ishte përdhunuar”./Gazeta Sinjali/