Me vendim të ri qeveritar, sot hapen xhamitë dhe kishat në Kosovë, të cilat kanë qenë të mbyllura për një kohë për shkak të parandalimit të përhapjes së virusit Covid-19.

Mirëpo, besimtarët duhet të ndjekin një protokoll sigurie që ndihmon në parandalimin e këtij infeksioni.

Bashkësia Islame e Kosovës (BIK) rekomandon besimtarët që gjatë prezencës në xhami të vazhdojnë t’i përmbaheni masave të përcaktuara nga Ministria e Shëndetësisë për parandalim të përhapjes së virusit, i cili edhe më tej vazhdon të jetë prezent në Kosovë.

Masat që duhet të vazhdojnë të respektohen për prezencë në xhami, janë:

– Të merret abdest në shtëpi

– Të vendosen maskat

– Të ketë dezinfektues duarsh në xhami

– Të mbahet distanca sociale

– Të mos ketë tubime tjera përveç namazit, pra jo tubime me vijues të mësim besimit, jo mukabele, jo ligjërata me përjashtim të hutbes së xhumasë.

– Ligjërata e xhumasë mos të zgjatet më tepër se 10 minuta

– Të mos shfrytëzohen abdes-hanet dhe tualetet e përbashkëta.

Ndryshe, që nga 13 marsi e deri tani në Kosovë me virus janë infektuar 1 mijë e 48 persona, 801 prej të infektuarve janë shëruar kurse 30 persona kanë humbur jetën, por që kishin edhe sëmundje tjera shoqëruese./GazetaSinjali/