Prej ditës së nesërme, me fillim nga ora 09:00, kopshti zoologjik i Shkupit do të rihapet sërish. Për shkak të situatës me pademinë, do të ketë protokoll të ri për lëvizje.

Vizitorët do të duhet të mbajnë maskë ose shall dhe do të duhet të presin radhë në distancë prej 1.5 m.

Ndalohet rreptësisht ushqyerja e kafshëve dhe afrimi me kafshët.

Mbeturinat duhet të hidhen në koshat e plehrave.

Do të jenë jashtë përdorimit lojërat për fëmijë.

Nga Kopshti Zoologjik i Shkupit informojnë se numri i vizitorëve do të jetë i kufizuar, në mënyrë që të mos krijohen turma./Gazeta Sinjali/