Pishina e Gërmisë nga nesër ditë e shtunë, do të hapet për vizitorë.
Menaxhmenti i Ndërmarrjes Publike ”Sport Marketing” do ta menaxhoj pishinën, e cila ka thënë se janë bërë të gjitha përgatitjet.
Kjo ndërmarrje gjithashtu ka thënë se do të vazhdojë të mbajë të mobilizuar stafin menaxhues dhe infrastrukturën mbështetëse për të qenë gjatë gjithë sezonit veror të përgatitur.
Më tej thuhet se në pishinë është angazhuar staf profesional, duke filluar nga sigurimi fizik, shpëtimtarët, autoambulanca me mjekun dhe teknikun, si dhe mirëmbajtësit.
Edhe këtë sezon hyrja në pishinë për të rritur është 2 euro, kurse për fëmijë 1 euro.