Një vend do ta pres ardhjen e dimrit me shumë më pak ankth se shumica tjetër.

Përkatësisht, siç shkruan Indeks.hr, një studim nga java e kaluar tregoi se 30 përqind e suedezëve kanë zhvilluar imunitet ndaj koronavirusit. Nëse imuniteti i tufës i ndihmon ata si masë për ta luftuar virusin gjatë valës së dytë, qasja suedeze, e cila është sfiduar dhe kritikuar nga shumë njerëz, mund të rezultojë e drejtë, transmton Gazeta Sinjali.

“Eksperiment i çmendur”. Kështu e quajtën shumë ekspertë modelin suedez për mbrojtje nga koronavirusi, i cili bazohej në imunitetin e tufës.

Përveç ndalimit të tubimit të më shumë se 50 personave, jeta në Suedi vazhdoi sikur të mos kishte një pandemi. Fëmijët nën moshën 16 vjeç vazhduan të shkonin në shkollë. Askush nuk mbante maskë.

Edhe pse shumë e prisnin, fatkeqësia nuk mbërriti kurrë në Suedi. Si në shumicën e vendeve evropiane, Suedia arriti kulmin e vdekjeve nga COVID-19 në gjysmën e parë të prillit, pasuar nga një rënie e vazhdueshme.

Gjithashtu, grafikat që tregojnë shkaqet e vdekshmërisë dhe numrin e pacientëve nuk ndryshojnë nga grafikat e vendeve tjera të Evropës.

Por tani planet e vendeve të tjera në BE gjithashtu kanë ndryshuar, kështu që askund nuk është në plan mbyllja e plotë, por parandalimi i vdekjes me çdo kusht. Zelanda e Re ka arritur ta ‘zhdukë’ virusin deri më tani, por për këtë arsye ka mirëpritur industrinë e saj më të madhe të eksportit – turizmin – që përfshin dhjetë përqind të ekonomisë së saj dhe 14 përqind të fuqisë së saj totale të punës.

E izoluar nga pjesa tjetër e botës, Zelanda e Re tani është e burgosur dhe varet nga vaksina e koronavirusit. Edhe në Australi, ku ata menduan se e kishin mposhtur virusin, karantina dhe ‘burgosja’ e miliona njerëzve pasuan.

Nëse ka ndonjë shpresë se vala e dytë do të shmanget, atëherë ajo qëndron në shmangien e kontakteve, shkruan tutje Indeks.hr. Sidoqoftë, aplikacioni NHS (British Health System) “Test dhe Gjurmë” nuk është treguar efektiv. /Gazeta Sinjali