Bashkimi Evropian ka shënuar shifrën më të lartë të vdekjeve vjetore gjatë vitit të kaluar, për shkak të pandemisë COVID-19.

Që nga viti 1961, kur u mbajtën statistikat e popullsisë për gjithë unionin, 2020-ta ishte më vdekjeprurësi.

Sipas Eurostat, humbjet e jetëve shënuan një rënie të lehtë të numrit të popullsisë europiane.

Vendet e BE-së regjistruan gjatë vitit 2020, 534.000 vdekje më shumë se në 2019.

Vdekjet nga 4.7 milionë u rritën në 5.2 milionë, një numër që “pasqyron ndikimin e pandemisë”, thotë Eurostat.

Numri i vdekjeve u rrit në të gjitha vendet e BE-së gjatë kësaj periudhe, por kryesisht në Itali, Spanjë dhe Poloni, sipas të dhënave të botuara nga Zyra Evropiane e Statistikave./Gazeta Sinjali/