Ministria e shëndetësisë ka njoftuar se gjatë 24 orëve të fundit në Kosovë, tre persona kanë ndërruar jetë si pasojë e infektimit me koronavirus dhe 1,593 persona kanë rezultuar pozitiv.
MSH ka bërë të ditur se personat që ndërruan jetë janë të gjinisë mashkullore, shkruan Gazeta Sinjali.
Gjithashtu në njoftim bëhet e ditur se një person ka ndërruar jetë mbi moshën 30-vjeçare.
Ndërsa, një person mbi moshën 70 vjeçare dhe tjetri mbi moshën 80 vjeçare.
Që nga fillimi i pandemisë, në Kosovë kanë ndërruar jetë 3,015 persona.
