Sonte në orën 20:45, do të zhvillohet ndeshja mes Kosovës dhe Anglisë, në stadiumin e Southampton. 

Kosova dhe Anglia do të luajnë ndeshjen e parë kualifikuese për Euro 2020.

Dje lojtarët e përfaqësueses së Kosovës kanë udhëtuar drejt Anglisë. Ndërsa, nga ana tjetër, anglezët po mundohen maksimalisht për ndeshjen.

Policia angleze përmes një postimi në Twitter ka bërë të ditur se gjithçka është gati dhe po punojnë për të ofruar siguri për të gjithë fansat në St.Mary.

Të dyja skuadrat janë duke kaluar në një formë tejet të lartë, ndërsa të dyja vijnë në këtë ndeshje pas fitoreve të arritura ditën e shtunë.

Kosova mundi Çekinë në stadiumin “Fadil Vokrri” me rezultat 2:1, ndërsa Anglia mposhti Bullgarinë lehtësisht 4:0.

Anglia nuk ka humbur asnjë ndeshje kualifikuese, qoftë evropian apo botëror, që nga tetori i vitit 2009, derisa Kosova nuk ka humbur asnjë ndeshje ndërkombëtare që nga tetori i vitit 2017.

Asokohe u mposht nga Ukraina me rezultat minimal. Që nga ajo kohë, ekipi i Gareth Southgate ka luajtur 42 ndeshje kualifikuese – duke marrë 33 fitore dhe 9 barazime. /Sinjali/