Drejtori i Shëndetësisë dhe Mirëqenies Sociale, Hajdin Berisha, është ndarë sot nga jeta, raporton Gazeta Sinjali.
Komuna e Malishevës ka njoftuar për vdekjen e Berishës, i cili ka qenë veteran i UÇK-së, e po ashtu edhe ish-nënkryetar i komunës.
Kryetari Ekrem Kastrati, i ka shprehur ngushëllimet më të sinqerta familjes Berisha, bashkëluftëtarëve dhe miqve të tij.
“Sot morëm lajmin e dhimbshëm të ndarjes nga jeta të bashkëluftëtarit, bashkëpunëtorit dhe mikut tonë, Hajdin Berisha. Në emër të Komunës së Malishevës, të qeverisë komunale dhe në emrin tim personal, ju shprehim ngushëllimet më të thella”.
Detajet mbi kohën e varrimit dhe organizimet e tjera, akoma s’janë bërë të ditura.