Shefja e Zyrës së BE-së në Kosovë, Natalyia Apostolova, është parë sot duke hyrë në selinë e LDK-së.

Dy partitë, LDK dhe VV kanë pasur thirrje të vazhdueshme nga ndërkombëtarët që të përmbyllin marrëveshjen sa më shpejtë dhe të krijojnë qeverinë e re.

Apostolova ka takuar sot edhe kryeministrin në detyrë Ramush Haradinaj.

“Prita sot në takim shefen e zyres së BE-së në Kosovë, Nataliya Apostolova me të cilën biseduam për zhvillimet e fundit politike në vend dhe vazhdimin e partneritetit në projektet e përbashkëta”, ka njoftuar Haradinaj.  

Në këtë takim, Haradinaj nuk e ka lënë pa i përmendur zyrtares së BE-së edhe liberalizimin e vizave, për të cilin ka thënë se është në dorë të BE-së, pasi sipas tij Kosova i ka përmbushur të gjitha kriteret.

“Theksova se institucionet e vendit janë të përkushtuara për të vazhduar obligimet kontraktuale sipas MSA-së, në të gjitha etapat tona të funksionimit dhe se Kosova ka përfunduar të gjitha kriteret për liberalizimin e vizave, fakt ky që i mbetet BE-së të vendos në të drejtën tonë për lëvizjen e lirë të qytetarëve tanë”, ka shkruar Haradinaj./Gazeta Sinjali/