Ministrja e Arsimit, Arbërie Nagavci, është deklaruar sërish pas ankesave të vazhdueshme të prindërve lidhur me aplikimin e shtesave në platformën e-Kosova për fëmijët që nuk i kanë mbushur ende gjashtë vjet.
Ministrja Nagavci tha se pagesa për këta nxënës do të bëhet pas verifikimit, teksa shtoi se për këtë arsye mundësia e aplikimit për subvencionim, mbetet e hapur deri në fund të muajit shtator.
”Sa i përket rasteve kur nxënësit janë 5 vjeç, pagesa do të bëhet pas verifikimit të rasteve”, është shprehur ajo në një reagim të saj në facebook.
”Mundësia për të aplikuar do të jetë e hapur deri në fund të muajit shtator, me qëllim që asnjë nxënës të mos mbetet pa u pajisur me tekste shkollore”, tha Nagavci.
