image Mustafa për programin qeverisës: Nuk mjafton buxheti, do të hynë 1.7 miliard euro borxh - Sinjali

COVID-19

Të infektuar

107629

Të shëruar

105200

Të vdekur

2250

Mustafa për programin qeverisës: Nuk mjafton buxheti, do të hynë 1.7 miliard euro borxh

news image

Deputeti i Lidhjes Demokratike të Kosovës, Besian Mustafa, ka komentuar programin qeverisës të Qeverisë Kurti, i cili u miratua të premten e javës së kaluar.

Mustafa ka thënë se në programin qeverisës të Qeverisë Kurti kanë gjetur shumë fjalë, por pak gjëra konkrete

“Kanë mungesë të masave konkrete ose të një rrugëtimi se si do të arrijnë t’i realizojnë objektivat që i kanë premtuar dhe që i kanë reflektuar në program. Flitet për Fondin Sovran, nuk tregon se çka do të bëjë më pasurinë strategjike, se si do të përfitojnë qytetarët, ka shumë pikëpyetje. Po ashtu, edhe Agjencia Zhvillimore nuk tregon se si do të bëjë zhvillimin ekonomik për dallim nga agjencitë tjera”, ka thënë Mustafa në Debat Plus.

Ai madje tha se Qeveria Kurti synon t’i realizojë të gjithë këto me borxhe.

“Qeveria në 4 vitet e ardhshme synon t’i realizojë këto me borxhe. Kanë premtuar aq shumë sa që nuk mund t’i financojnë me buxhetin e shtetit. Për katër vite do të shtojnë 1.7 miliard borxhe”, ka thënë ai./Gazeta Sinjali/


Shpërndaje artikullin