image “Mu ka marrë fitorja në tavolinë”, Xheladini i LDK-së flet pasi u anuluan votat e diasporës në Dragash

“Mu ka marrë fitorja në tavolinë”, Xheladini i LDK-së flet pasi u anuluan votat e diasporës në Dragash

news image

Kandidati i Lidhjes Demokratike të Kosovës për kryetar të Dragashit, Behxhet Xheladini ka dhënë detaje rreth ankesë që kjo parti nga ushtruar në Gjykatën Supreme, pas vendimit të PZAP-së për anulimin e votave të diasporës në Dragash.

Xheladini tha se kësaj ankese ia kanë bashkangjitur mbi 200 dëshmi të qytetarëve të Dragashit që jetojnë në mërgatë.

Tutje ai në konferencë për media tha se ia kanë marrë fitoren në tavolinë.

“Ne kemi përgatitur një ankesë e cila vjen pas vendimit të PZAP-së për anulimin e votave nga diaspora. Ne në këtë ankesë kemi bashkangjitur të gjitha provat që vërtetojnë që procesi zgjedhor nga ana e mërgatës ka qenë i rregullt dhe i pastër si loti”, është shprehur ai.

“Ne kemi përgatitur një dosje të gjerë në të cilën kemi dëshmuar dhe dëshmojmë para Supremes që vendimi i PZAP-së nuk ka qenë i drejtë dhe ka qenë skandaloz për arsye se mua mu ka marrë fitorja në tavolinë”.

Ai tha se kësaj ankese ia kanë bashkangjitur edhe afro 200 deklarata të votuesve të mërgatës që pas këtij vendimi kanë qenë të shqetësuar./GazetaSinjali/