COVID-19

Të infektuar

1158

Të shëruar

876

Të vdekur

30

Diaspora/ “Mosardhja e bashkatdhetarëve do të jetë goditje për ekonominë e Kosovës”

news image

Guvernatori i Bankës Qendrore të Kosovës, Fehmi Mehmeti ka deklaruar se ekonomia e vendit do të goditet si rezultat i mosardhjes së bashkatdhetarëve në atdhe, të cilët brenda vitit investojnë në Kosovë mbi 1 milard euro.

Megjithatë, ai shpreson se koha e pandemisë do të kalojë dhe bashkatdhetarët do të kenë mundësi të vinë në Kosovë dhe të kontribuojnë për familjen dhe vendin e tyre.

Mehmeti ka thënë se sektori i sigurimeve është afektuar më së shumti nga pandemia, e cila përbëhet kryesisht nga sigurimet jo jetë.

“Ka një rënie drastike në regjistrimin e automjeteve e në anën tjetër vazhdon pagesa e kompanive për dëmet në aksidente që e kap shumën me miliona euro. Andaj apeloj te të gjithë që të regjistrojnë automjetet e tyre”, tha ai në RTV Dukagjini.

Sipas tij, remitencat nga bashkatdhetarët në rrugët zyrtare gjatë vitit 20019, kanë qenë 887 milionë. euro.

Ai tha se përveç të hyrave në kufi, remitencat gjatë kohës së pandemisë thuajse janë të njëjta deri tash. Mehmeti tha se remitencat janë kryesisht të dedikuara për ushqim por nuk nënkupton që ato nuk janë të orientuara në zhvillim ekonomik./GazetaSinjali/


Shpërndaje artikullin