image Molliqaj: Vetëvendosje e përdori rastin e Astrit Deharit deri sa erdhi në pushtet - Sinjali

Molliqaj: Vetëvendosje e përdori rastin e Astrit Deharit deri sa erdhi në pushtet

news image

Dardan Molliqaj, kryetar i PSD-së, tha se Vetëvendosje e ka përdorur rastin e Astrit Deharit deri në momentin që ka ardhur në pushtet, e pas ardhjes në krye të qeverisë, sipas tij, nuk po e përmendin më.

“Janë tri faza. Deri në vdekjen e Astritit nuk flet askush nga Vetëvendosje dhe faza e dytë nga vdekja e tij deri në pushtet ku e përdorin maksimalisht, shpifin, trillojnë, keqpërdorin, instrumentalizojnë dhe me ardhjen në pushtet mshelet. Në fushatë Astriti, pas fushatës kryhet”, tha Molliqaj në KlanKosova.

Sipas tij, kjo qeveri është përgjegjëse, pasi nuk po e zbardh rastin për vdekjen e Astrit Deharit.

“Kjo qeveri është përgjegjëse po aq sa qeveria kur ka vdekë Astrit Dehari, pse ka vdekë Astrit Dehari këta janë përgjegjës, se nuk po e zbardhin rastin. Kryeministri Albin Kurti, ministrat e tij, partia Vetëvendosje janë përgjegjës përveç nëse na zbardhin rastin dhe atëherë do të marrin lëvdata edhe nga PSD-ja.. Por mua më duket se nuk janë duke bërë asgjë”, shtoi ai./GazetaSinjali/


Shpërndaje artikullin