Kryetari i Partisë Socialdemokrate, Dardan Molliqaj, i ka quajtur servilë zëvendkryeministrin në detyrë, Haki Abazin, këshilltarin politik të Albin Kurtit, Shkelzen Gashin, deputeten e Lëvizjes Vetëvendosje, Mimoza Kusarin dhe zëvendësministrin e Integrimit Evropian, Taulant Kryeziun, shkruan Gazeta Sinjali.

Kjo pasi sipas tij, ata nuk kanë asgjë të përbashkët me Lëvizjes Vetëvendosje, por e rëndësishme, thotë ai, është të shërbesh.

“Haki Abazi, Shkelzen Gashi, Agim Bahtiri, Mimoza Kusari, Taulant Kryeziu…Çfarë kanë të përbashkët këta emra, me VV-në që e keni njohur? Asgjë. Por, këta emra nuk janë aksidente, në fakt janë tregues I instrumentalizimit të skajshëm. S’kanë rëndësi bindjet sepse Kurti nuk njeh subjekte. E rëndësishme është të shërbesh. Servilët këtë punë e bëjnë”, ka shkruar Molliqaj në Facebook./Gazeta Sinjali/