Policia e Kosovës ka pranuar sot, rreth orës 14:00, një informacion për një mjet të dyshimtë në kryeqytet, konkretisht në rrugën “Dëshmorët e Kombit”.
Menjëherë pas pranimit të informatës, njësitet përkatëse kanë dalë në vendin e ngjarjes dhe kanë nisur veprimet e nevojshme për menaxhimin e situatës.
Rastin e ka konfirmuar për Gazetën Sinjali, zëdhënësja e Policisë për Rajonin e Prishtinës, Flora Ahmeti.
“Menjëherë në vendin e ngjarjes kanë dalë njësitet e nevojshme policore të cilat po ndërmarrin veprimet e nevojshme për të menaxhuar situatën.”, tha tutje Ahmeti.
Sinjali – aty ku e vërteta flet para lajmit!