Ministria e Financave ka njoftuar se ka ndarë nga 10 mijë euro për familjet e vëllëzërve Abazi nga Livoçi i Gjilanit që vdiqën në tërmetin e djeshëm në Shqipëri.

“Ministri i Financave Bedri Hamza me qëllim të ofrimit të ndihmës materiale për familjet e viktimave të cilat  pësuan nga tërmeti në Durrës, duke u bazuar  në kompetencat e tij ligjore si Ministër i financave në vështrim  të  paragrafit 3 të Ligjit të Menaxhimit të Financave Publike dhe Përgjegjësitë (LMFPP) dhe paragrafit 2 të nenit 14 të Ligjit nr. 06/L-133 mbi ndarjet buxhetore për Buxhetin e Republikës së Kosovës për vitin 2019, sot ka marrë vendim që të ndihmojë në total me shumën 20,000 Euro, duke ndarë nga 10,000 Euro për  familje  të viktimave të shkaktuara nga tërmeti, Shemsedin dhe Isa Abazi nga fshati Livoçë Komuna e Gjilanit”, thuhet në komunikatë. /Gazeta Sinjali/