Sot, i është dhënë lamtumira e fundit heroit më të ri të Kosovës, Afrim Bunjaku, i cili humbi jetën pas sulmit terrorist serb në fshatin Banjskë të Zveçanit. Në ceremoninë e varrimit pjesë mori edhe ministri i Brendshëm i Shqipërisë, Taulant Balla, raporton Gazeta Sinjali.
Bashkë me Ballën ishin edhe disa efektivë të Policisë së Shtetit, të cilët në shenjë nderimi e mirënjohje i vendosën një kurorë me lule dëshmorit Afrim.
“Përulje dhe nderim për efektivin e Policisë së Kosovës, Afrim Bunjaku, i cili dha jetën në krye të detyrës”, ka shkruar Balla.
Balla ndër takimet me figura shtetërore të Kosovës, në këtë ceremoni u takua edhe me prijësin e familjes Jashari, Rifatin.