Policia dhe shteti kroat kanë ndihmuar shumë pas aksidentit tragjik në Slavonski Brod të Kroacisë, ku të vdekur mbetën 10 persona dhe u lënduan mbi 40 të tjerë.
Ata kanë treguar gatishmëri gjatë gjithë kohës deri në kthimin e viktimave dhe të lënduarve në Kosovë.
Si shenjë falënderimi për këtë gjest human, disa mërgimtarë janë ndalur, i kanë qerasur me pije dhe i kanë falënderuar Policinë dhe mjekët në Kroaci.
“Një super gjest nga këta meraklitë të cilët udhëtuan nëpër Kroaci, janë ndalë në çdo pikë të policisë dhe ambulancës i kanë qerasur me pije dhe kafe si shenjë falënderimi ndaj neve shqiptarëve në fatkeqësinë e autobusit që ndodhi javën e kaluar”, thuhet në një postim të publikuar në grupin Marakli t’kerreve.
