Ministri i Mbrojtjes i Kosovës, Armend Mehaj, gjatë kohës sa ka qëndruar në Shkup, ka vendosur një tufë lule për nder të 111-vjetorit të lindjes së Shën Terezës.

“Pranë pishës që mbolli me duart e veta, në oborrin e shtëpisë ku u lind, pikërisht sot para 111 vjetësh, Gonxhe Bojaxhiu e jonë dhe Nëna Tereze që i falëm gjithë Botës dhe Njerëzimit, vendosa një tufë lule, me përkulje, për të rikujtuar dhe marrë energji të reja me fjalën e saj të madhe se:”Bota nuk është e uritur vetëm për bukë, por edhe për dashuri”, është shprehur Mehaj.

“Këtë fjalë dhe veprat e saj të pakufishme dhe pamatshme, evokuam edhe së bashku me Drejtorin e ITSHKSH-së në Shkup, Skender Asani”.

“Jeta dhe vepra e saj e shenjtë qoftë bekim për ne dhe gjithë njerëzimin!”. /Gazeta Sinjali/