Dje në orët e mesditës një 44-vjeçar nga Kosova ka humbur jetën në plazhin e Velipojës, transmeton Gazeta Sinjali.

Pushuesit e pranishëm i kanë dhënë ndihmën e parë 44-vjeçarit por ka qenë e pamundur për ta shpëtuar.

BalkanWeb njofton se  në plazhin e Velipojës ende mungojnë në disa subjekte rojet bregdetare, ndërsa edhe ambulanca ka vonuar për të shkuar në vendngjarje.

Në plazhin e Velipojës edhe pse ka një numër të lartë turistësh, ende nuk është hapur qendra shëndetësore dhe ende nuk ka një ambulancë që qëndron në gatishmëri për çdo rast emergjent shëndetësor. /Gazeta Sinjali/