Një segment i rrugës “Afrim Zhitia” në Prishtinë është mbyllur përkohësisht për qarkullim, për shkak të punimeve infrastrukturore që po zhvillohen nga Komuna e Prishtinës.
Sipas njoftimit zyrtar, punimet do të realizohen në pjesën nga semaforët te Fakulteti Teknik deri te semaforët pranë Mensës së Studentëve, në korsinë e djathtë në drejtim të Qendrës së Studentëve.
Mbyllja e rrugës ka hyrë në fuqi më 15 korrik, në orën 20:00, dhe do të zgjasë deri më 20 korrik 2026, në të njëjtën orë.
Komuna u ka bërë thirrje drejtuesve të automjeteve që gjatë kësaj periudhe të përdorin rrugët alternative për të shmangur vonesat në komunikacion.
Si alternativë për qarkullim është rekomanduar aksi rrugor “Xheladin Rekaliu” – “Edmond Hoxha”.
Autoritetet komunale kanë kërkuar mirëkuptim nga qytetarët, duke theksuar se punimet synojnë përmirësimin e infrastrukturës rrugore dhe rritjen e sigurisë në trafik.
Sinjali – aty ku e vërteta flet para lajmit!