Komuna e Prishtinës ka njoftuar qytetarët për mbylljen e përkohshme të një rruge në lagjen Arbëria, për shkak të punimeve për asfaltim, raporton Gazeta Sinjali.
Sipas njoftimit, në rrugën “RR Vicianum” do të realizohen punime për trajtimin e rrugës me shtresë asfalti, duke bërë që qarkullimi të ndërpritet për disa ditë.
“Nga nesër, datë 7 maj 2026 deri më 12 maj 2026, kjo rrugë do të jetë e mbyllur përkohësisht për qarkullimin e mjeteve. Lusim qytetarët për mirëkuptim dhe që gjatë kësaj periudhe të shfrytëzojnë rrugë alternative për qarkullim. Faleminderit për bashkëpunimin tuaj!”, thuhet në njoftim.
Sinjali – aty ku e vërteta flet para lajmit!