Klubi futbollistik, Llapi ka pësuar humbje të thellë në ndeshjen e parë të rrethit të dytë të Ligës së Konferencës.
Llapi i Tahir Batatinës është mposhtur me rezultat 6-0 si mysafir ndaj klubit danez, Brondby.
Katër golat e parë u realizuan në pjesën e parë, teksa në pjesën e dytë klubi danez tundi rrjetën edhe dy herë të tjera, pas një dominimi të vazhdueshëm, shkruan Sinjali Sporti.
Me këtë humbje të thellë, Llapi minimizon gjasat për një kalim tutje në Ligën e Konferencës, pasi i duhet një ‘mrekulli’ në “Zahir Pajaziti” në Podujevë të ndeshjes kthyese javën tjetër.