Më 27 nëntor, do të mbahet një mbledhje e përbashkët në mes të Kuvendit të Kosovës dhe Kuvendit të Shqipërisë, në shënim të 110-vjetorit të Pavarësisë së Shqipërisë.
Deputetja e Vetëvendosjes, Milazim Salijaj, përmes një fotografie në Facebook, ka bërë të ditur se deputetët kosovar janë nisur për në Shqipëri.
Kuvendi i Kosovës ka njoftuar se mbledhja e përbashkët do të mbahet në Tiranë.
Në këtë mbledhje, deputetëve do t’u adresohen kryetarja e Kuvendit të Shqipërisë, Lindita Nikolla dhe kryetari i Kuvendit të Kosovës, Glauk Konjufca.
Fjalë rasti do të kenë edhe dy kryeministrat nga Kosova dhe Shqipëria, Albin Kurti dhe Edi Rama.
Fjalime do të kenë edhe kryetarët e grupeve parlamentare të të dyja Kuvendeve, Kosovës dhe Shqipërisë.
