Pas tri barazimeve radhazi, Përfaqësuesja e Maqedonisë së Veriut ka arritur të shënojë fitore të madhe në kualifikimet për Botërorin ”Katar 2022”.

Maqedonia e Veriut ka shënuar fitore ndaj Lihteshtajnit në udhëtim me rezultatin 0-4, në ndeshjen e vlefshme për rrethin e shtatë në Grupin J.

Darko Velkovski, Ezgjan Alioski, Boban Nikolov dhe Darko Churinov shënuan golat e fitores për maqedonasit.

Përveç Alioskit, te Maqedonia e Veriut nga fillimi luajti edhe Arijan Ademi. Të dy lojtarët ishin në fushë për 70-të minuta.

Maqedonia e Veriut tani rendite e dyta në grup me 12 pikë, aq sa ka edhe Armenia një pozitë më poshtë. 

Kurse, Lihteshtajni mbetet me një pikë në pozitën e fundit. /Gazeta Sinjali Sporti/