Ministri në detyrë i Mbrojtjes, Ejup Maqedonci, ka zhvilluar një takim lamtumirës me atasheun jorezident të mbrojtjes së Republikës së Çekisë për Kosovën, kolonel Radim Jonas, i cili po përfundon mandatin e tij.
Gjatë takimit, Maqedonci e ka falënderuar kolonel Jonas për angazhimin dhe kontributin e dhënë në forcimin e bashkëpunimit ndërmjet Kosovës dhe Çekisë në fushën e mbrojtjes dhe sigurisë.
Sipas ministrit në detyrë, gjatë katër viteve të shërbimit të tij, kolonel Jonas ka luajtur rol në avancimin e marrëdhënieve ndërmjet dy vendeve dhe në ndërtimin e një partneriteti më të fuqishëm.
“E falënderova kolonel Jonas për bashkëpunimin e shkëlqyer dhe kontributin e tij në avancimin e marrëdhënieve ndërmjet Republikës së Kosovës dhe Republikës së Çekisë në fushën e mbrojtjes dhe sigurisë”, ka deklaruar Maqedonci.
Në përfundim të takimit, ministri i ka uruar kolonelit Radim Jonas suksese në angazhimet e tij të ardhshme, duke shprehur vlerësimin për bashkëpunimin e deritanishëm mes dy vendeve.
Sinjali – aty ku e vërteta flet para lajmit!
